Helo, Cariad ydw i

Dyma Cariad, mae hi’n ‘French Bulldog’ sydd wedi dod atom yn ddi-gartref. Mae hi tua 4-6 mlwydd oed. Yn anffodus nid yw Cariad wedi mwynhau bywyd hyfryd . Daeth atom gyda phroblemau difrifol ac yn denau iawn. Ers ei bod gyda ni mae wedi magu pwysau ac yn ymddiried mewn pobl yn fwyfwy. Mae hi mewn hwyliau da. Mae ganddi lawer o gariad i roi ac fe fyddai hi’n elwa o gael cartref ble geith y siawns i flodeuo yn ei hamser ei hunan. Mae hi’n ferch fach hyfryd sy’n mwynhau crafiad cefn ac angen cartref sy’n fodlon maethu ei hanghenion penodol..

Fe fyddai yn elwa o gael cartref sydd a gwybodaeth am y brid neu rhywun sydd wedi ymchwilio ac yn fodlon sicrhau y gofal dyddiol e.e. gofal am ei gwyneb a sicrhau bod ei chroen yn cael ei gadw yn iach a chyfforddus. Unwaith bydd Cariad wedi ei sefydlu mewn cartref sefydlog byddwn yn argymell y byddai’n mynychu cwrs hyfforddi er mwyn datblygu ei hyder a sgiliau cymdeithasol yn bellach.